Бяспека дзяцей летам.

Правілы паводзін.

         Бяспека дзяцей летам. Летні перыяд нясе ў сабе не толькі радасць канікулаў, магчымасць загараць і купацца, але і значную рызыку для дзяцей. Звязана гэта з мноствам фактараў. Летам дзеці едуць адпачываць у дзіцячыя лагеры, у вёску да бабуль, ходзяць купацца на рэчку і гуляць у лес, усё гэта ў комплексе з высокай актыўнасцю сонца, насякомымі і скорапсавальнай ежай нясе розныя пагрозы.

Забяспечыць бяспеку дзяцей летам у першую чаргу задача бацькоў. Нават калі вы летам адпраўляеце куды-небудзь дзіця, то забяспечце яго сродкамі абароны, абгаварыце з ім тэхніку бяспекі, паклапаціцеся аб рэгулярнай сувязі і пракансультуйце тых дарослых, якія будуць прыглядаць за вашым дзіцём, аб нюансах яго паводзінаў і асаблівасцях арганізма.

Сонечная актыўнасць. 

 У сонечны дзень заўсёды апранайце дзіцяці галаўны ўбор. Калі на небе аблокі, бярыце галаўны ўбор з сабой. Арыентыровачна з 10:00 да 16:00 гадзін самая вялікая актыўнасць сонца, таму ў гэты час старайцеся, каб дзіця не знаходзілася доўга пад уздзеяннем яго прамых прамянёў. Час знаходжання пад сонцам строга індывідуальны для кожнага дзіцяці, гэты час шмат у чым залежыць ад узросту, здароўя і будовы скуры дзіцяці. Абмяркуйце гэтае пытанне са сваім доктарам. Але ў любым выпадку, дзіця, як і дарослыя, павінна паступова прывыкаць да сонца, і кожны дзень трэба павялічваць час знаходжання пад яго промнямі. Гэта дазволіць пазбегнуць сонечных апёкаў.

Сонцаахоўныя сродкі наносьце хвілін за 15-20 да выхаду дзіцяці на вуліцу і пасля купання. Ужывайце абарону ўзроўню SPF-20 або SPF-30, пры гэтым старайцеся выкарыстоўваць максімальна бяспечныя сродкі, дазволеныя для прымянення дзецям. Дашкольнікам лепш наносіць ахоўны крэм або малачко, яны больш тлустыя, чым іншыя сродкі. А спрэі, гелі і мусы могуць сушыць скурнае покрыва. І не забывайце, што нанясення крэму не адмяняе нормы знаходжання пад прамымі прамянямі, лепш пазбягаць перыяду з 10:00 да 16:00 гадзін. У залежнасці ад рэгіёна і пары года ён можа быць падкарэктаваны з 11:00 да 17:00 гадзін.

Насіце з сабой шмат вады і давайце дзіцяці шмат піць. Пазбягайце салодкай вады, яна выклікае яшчэ большую смагу. Сачыце за дзіцем, каб яно не перагравалася і не падпалілася, пры першых прыкметах пачырванення скуры, выведзіце дзіця ў цень. Старайцеся больш гуляць у цяністых месцах, выкарыстоўвайце свабодную баваўняную вопратку. Заўсёды трымайце ў аптэчцы сродак ад апёкаў. Калі вы абараняеце вочы дзіцяці сонцаахоўнымі акулярамі, то ўжывайце якасныя мадэлі са шклом, танныя падробкі з пластыка могуць нанесці вялікую шкоду.

Небяспечныя насякомыя.

Ад укусаў кляшчоў дапаможа абараніцца галаўны ўбор, заўсёды апранайце яго дзіцяці, калі ідзіце ў лес або парк. Таксама пры высокай небяспецы ўкусу кляшча пажадана апранаць вопратку, якая закравае ногі і рукі. Ужывайце спецыяльныя сродкі для адпужвання насякомых, але старайцеся пазбягаць нанясення на дзіця атрутных спрэяў, лепш насіце з сабой сурвэткі рэпеленты, якія будуць адпужваць насякомых.

Пазбягайце кантакту з восамі, пчоламі, чмялі і шэршнямі: іх укусы балючыя і могуць выклікаць алергічную рэакцыю і нават нанесці дзіцяці псіхалагічную траўму. Трымайце ў аптэчцы сродак для лячэння укусаў насякомых.

 Асцярожнасць на вадзе

Не ігнаруйце правілы паводзін на вадзе і не дазваляйце рабіць гэта дзецям. Не купайцеся з імі ў месцах, дзе гэта забаронена. Не заплывайце за буйкі, не скачыце ў ваду са скал або ў месцах з невядомым дном. Старайцеся трымаць дзіця ў полі свайго зроку, калі яно знаходзіцца ў вадзе. Для дзяцей, якія дрэнна плаваюць, выкарыстоўвайце спецыяльныя сродкі бяспекі: надзіманыя нарукаўнікі або камізэлькі. Строга кантралюйце час знаходжання дзіцяці ў вадзе, каб пазбегнуць пераахаладжэння. Пасля купання ў салёнай вадзе неабходна памыцца прэснай.

Калі дастаткова дарослыя школьнікі самастойна ідуць купацца, то старайцеся, каб яны хадзілі ў бяспечныя месцы, дзе ёсць пост выратавальніка і медсястра. Вучыце дзяцей не толькі плаванню, але і правілам паводзін у крытычных сітуацыях, растлумачце небяспеку віроў, вялікіх хваль, моцных плыняў і г.д. Навучыце азам тэхнікі выратавання тапельцаў, калі вы не можаце зрабіць гэта самі, то звярніцеся да інструктара па плаванню.

Пазбягаем харчовых атручванняў.

Прывучыце дзіця мыць рукі перад кожным прыёмам ежы ці хаця б старанна выціраць іх вільготнымі сурвэткамі. Не ўжывайце на спякоце прадукты, якія хутка псуюцца, асабліва мяса, якое можа ператварыцца ў атруту ўжо пасля 20 хвілін знаходжання на сонцы.   Старайцеся ужываць больш гародніны, садавіны і ягад, старанна іх мыйце перад тым як спажыць у ежу. Старайцеся не набываць садавіну, якая яшчэ па сезоне не павінна прадавацца. Як правіла, гэта прадукты, выгадаваныя з вялікім даданнем хімічных рэчываў, якія стымулююць рост, яны вельмі небяспечныя для здароўя і могуць выклікаць моцнае атручванне. У аптэчцы заўсёды трымайце сродкі лячэння атручванняў

Сачыце за сваім дзіцем.

Дзеці, якія гуляюць у месцах, далёкіх ад вас ці самастойна,  рызыкуюць згубіцца ці быць выкрадзенымі. Растлумачце тэхніку бяспекі, калі яны адны - правілы паводзін з незнаёмымі. Калі вы знаходзіцеся ў лесе, не адпускайце дзяцей далёка ад сябе, яны могуць загуляцца і заблудзіцца. Знаходзячыся ў натоўпе, заўсёды трымайце дзіця каля сябе, не пакідайце маленькіх дзяцей пад наглядам чужых людзей, нават калі гэта «мілая цётка». Зламыснікі цалкам могуць выкарыстоўваць такі вобраз для выкрадання.

  Асноўныя правілы паводзін.

Асноўныя правілы бяспекі летам, якія павінна засвоіць дзіця:

- Заўсёды плавай у спецыяльна прызначаных для гэтага месцах, на  абсталяваных і бяспечных пляжах;

- не заплывай за буйкі, не падплывацй блізка да судоў, каб цябе  не засмактала пад працуючы шруб;

-  не плавай пры вялікіх хвалях, моцнай плыні або вірах;

-  не нырай ў месцах з невядомым дном;

- не гуляй на вадзе ў небяспечныя гульні, не «тапі» сяброў і не      нырай глыбока;  

- матрацы і выратавальныя кругі не прызначаныя для таго, каб заплываць далёка,  плавай на іх недалёка ад берага;

- калі свеціць сонца, то насі летам галаўны ўбор;

 - не  знаходзься доўга на сонцы, калі ты адчуваеш, што скура пачынае печыся і чырванець, неадкладна сыдзі ў цень або апраніся;

- старайся не быць пад прамым сонцам днём, а толькі раніцай і бліжэй да вечара;

-  не бяры з сабой у спякотнае месца і не еж прадукты, якія хутка сапсуюцца: мяса, каўбаса, рыба, малочныя прадукты;

- пі шмат вады летам, але старайся не піць салодкую ваду, ад яе яшчэ больш хочацца піць;

- заўсёды еж вымытыя прадукты і мый перад ежай рукі;

- калі побач насякомыя, то не рабі рэзкіх рухаў; калі ты перакусваеш, то будзь асцярожны, каб насякомае не трапіла ў рот і не ўджаліла;

 - не падыходзь блізка да сабак, асабліва калі ў сабакі шчанюкі і сабака есць;

- не май зносін з незнаёмцамі (ні з мужчынамі, ні з жанчынамі), нічога не бяры ў іх і ня вядзі да сябе дадому, не называй свой адрас, прозвішча, тэлефон: дарослы павінен прасіць дапамогі ў дарослага і не павінен звяртацца да дзіцяці!

- калі цябе хтосьці схапіў і цягне, то кліч на дапамогу і крычы, што гэта не твае бацькі, звяртай на сябе ўвагу прахожых.

- калі за табой хто-та гоніцца, то ідзі ў бок бацькоў ці проста ў людныя месцы (нельга кідацца ў тупікі або заходзіць у цёмныя пад'езды), прасі дапамогі ў паліцэйскага (міліцыянера), ахоўніка, прадаўца або проста ў дарослых людзей.